पनवेलमध्ये होणार ‘फॅशन फॉरवर्ड फँटेसिया’चा झगमगता सोहळा
गार्गीज् ग्रुपच्या मासिक प्रकाशनासह स्टाईल आणि आत्मविश्वासाची अनोखी मेजवानी
पनवेलमध्ये होणार ‘फॅशन फॉरवर्ड फँटेसिया’चा झगमगता सोहळा
गार्गीज् ग्रुपच्या मासिक प्रकाशनासह स्टाईल आणि आत्मविश्वासाची अनोखी मेजवानी
दैनिक युवक आधार
पनवेल, दि. २२ जून २०२५ –
सात वर्षांपासून स्त्रियांसाठी प्रेरणादायी व्यासपीठ निर्माण करणारा गार्गीज् ग्रुप यावर्षी आपला सातवा वर्धापनदिन एका विशेष कार्यक्रमाच्या निमित्ताने साजरा करत आहे. या भव्य कार्यक्रमाला ‘फॅशन फॉरवर्ड फँटेसिया’ असे नाव देण्यात आले असून, २२ जून रोजी पनवेल येथे हा सोहळा संपन्न होणार आहे.
या विशेष दिवशी ‘द सॉव्हरिन रिगल टाइम्स’ हे गार्गीज् ग्रुपचे २०२५ चे नवे मासिकाचे उद्घाटन प्रमुख अतिथी माननीय सौ. मोहिनी ताई विक्रांत दादा पाटील तसेच पनवेल महानगरपालिका नगरसेविका माननीय सौ. दर्शना भगवान भोईर या मान्यवरांच्या हस्ते प्रकाशित होणार असून, या निमित्ताने विविध सांस्कृतिक आणि स्टाईलधारीत कार्यक्रमांचे आयोजन करण्यात आले आहे.
कार्यक्रमाची प्रमुख संकल्पना – “आपली शैली उलगडा करा, आत्मविश्वास फुलवा!” – ही प्रत्येक सहभागीच्या अभिव्यक्तीतून आणि सादरीकरणातून अनुभवता येणार आहे.
कार्यक्रमातील ठळक आकर्षणे:
फोटो बूथ सत्र – सहभागी सदस्यांसाठी खास फोटो सत्र, ज्यातून सामूहिक आठवणी जपल्या जातील.
फॅशन वॉक – प्रत्येक सदस्याला मंचावर स्वतःची स्टाईल सादर करण्याची संधी.
स्मृतींचा झोत – गार्गीज् ग्रुपच्या सात वर्षांच्या वाटचालीचा व्हिडिओ झलक व आठवणींचा भावस्पर्शी आविष्कार.
मासिक प्रकाशन सोहळा – ‘द सॉव्हरिन रिगल टाइम्स’ या नव्या मासिकाचे प्रकाशन, हा कार्यक्रमाचा मुख्य आकर्षणबिंदू.
नृत्य आणि संगीत सत्र – कार्यक्रमाचा समारोप आनंददायी नृत्य व संगीताच्या सत्राने होणार आहे.
सजग सहभाग, आत्मविश्वासपूर्ण सादरीकरण आणि सखींच्या एकत्रित सहवासात हा कार्यक्रम अविस्मरणीय ठरणार आहे.
पनवेलकरांसाठी हा एक संस्मरणीय सांस्कृतिक सोहळा ठरण्याची खात्री आहे.
